ഏറെനേരം തുടര്‍ച്ചയായി ലാപ്‌ടോപ്പ്‌ ഉപയോഗിക്കുമ്പോള്‍ സിസ്റ്റം വല്ലാതെ ചൂടാകുന്നുവെന്ന പരാതി എല്ലാവരും പറയുന്നതാണ്‌. ഇതിനു പരിഹാരമായി പലപ്പോഴും നിര്‍ദേശിക്കപ്പെടാറുള്ളത്‌ ലാപ്‌ടോപ്പ്‌ കൂളറുകളാണ്‌. നിരവധി കമ്പനികളുടെ കൂളറുകള്‍ നമ്മുടെ വിപണികളില്‍ ലഭ്യമാണുതാനും. എന്നാല്‍ ലിയാന്‍ലി പുതിയൊരു മോഡലുമായാണ്‌ ഈ രംഗത്തേക്ക്‌ എത്തുന്നത്‌. എന്‍ സി 09 നോട്ട്‌ബുക്ക കൂളര്‍പാഡ്‌ എന്ന ഈ ഉപകരണം സിസ്റ്റം ചൂടാകുന്നുവെന്ന എല്ലാ പരിഭവങ്ങള്‍ക്കും വിരാമമിടുമെന്നാണ്‌ നിര്‍മാതാക്കള്‍ അവകാശപ്പെടുന്നത്‌.പൂര്‍ണമായും അലൂമിനിയം ഡിസൈനിലുള്ള ഇതില്‍ 220 എം എം ഫാനുണ്ട്‌. ഒപ്പം എല്‍ ഇ ഡി ലൈറ്റുമുണ്ട്‌. 12.1", 14" , 15" , 17" വലിപ്പത്തിലുള്ള നോട്ട്‌ബുക്കുകള്‍ക്ക്‌ അനുയോജ്യമായിട്ടുള്ളതാണ്‌ ഈ കൂള്‍പാഡ്‌. യു എസ്‌ ബി മുഖേന സിസ്‌റ്റവുമായി ബന്ധിപ്പിച്ചോ അല്ലെങ്കില്‍ 5 വോള്‍ട്ട്‌ സെല്‍ഫോണ്‍ ചാര്‍ജര്‍ മുഖേനയോ ഇവ പ്രവര്‍ത്തിപ്പരക്കാനുമാകും.ഓണ്‍, ഓഫ്‌ സ്വിച്ചുകള്‍ക്കു പുറമെ, മൂന്നു തരത്തില്‍ പൊക്കം ക്രമീകരിക്കാനുള്ള സംവിധാനവും ഇതിലൊരുക്കിയിട്ടുണ്ട്‌. മെയ്‌ അവസാനത്തോടെ ഇത്‌ ഇന്ത്യന്‍ വിപണിയിലെത്തും.
Subscribe to:
Post Comments (Atom)
No comments:
Post a Comment